F'isem il-Kamra tal-Agrikoltura tat-Tirol, dwar l-istatus protett tal-ilpup 

Petition richtet sich an: Petitionsausschuss des Europäischen Parlaments

Skont il-petizzjonant, il-protezzjoni stretta tal-ilpup skont id-dritt tal-Unjoni m'għandhiex twassal għat-telf tas-sigurtà pubblika jew tal-protezzjoni tan-nies f'residenzi fil-pajsaġġ ikkultivat tagħna. Il-petizzjonant isostni li ż-żona Alpina tat-Tirol, li għandha popolazzjoni kbira ħafna u tintuża għal skopijiet turistiċi, agrikoli, forestali u tal-kaċċa, u fejn il-biedja Alpina tradizzjonali għandha rwol partikolarment importanti, mhijiex post adatt għal-lupu, li huwa predatur. B'mod partikolari, il-petizzjonant jara riskju serju għall-bwar Alpini li jikkostitwixxu element siewi u essenzjali tal-wirt kulturali tar-reġjun. Il-petizzjonant jitlob li ssir evalwazzjoni mill-ġdid u tingħata definizzjoni xjentifika tal-popolazzjoni tal-ilpup, jiġu emendati d-dispożizzjonijiet rilevanti fid-Direttiva dwar il-Ħabitats u jingħata kumpens finanzjarju suffiċjenti għall-ħsara kkawżata f'termini ta' annimali maqtula u għall-isforz addizzjonali meħtieġ biex jiġu protetti l-annimali tal-irziezet. Il-petizzjonant jistaqsi lill-Kummissjoni Ewropea xi pjanijiet ta' azzjoni strateġika żviluppat f'każ li l-popolazzjoni tal-ilpup tkompli tikber.