Dwar l-allegata diskriminazzjoni kontra persuni mingħajr tfal fil-kwistjoni dwar pagamenti tal-assigurazzjoni għall-kura fil-Ġermanja 

Il-petizzjonant iħossu diskriminat u kkastigat, minħabba li l-persuni mingħajr tfal fil-Ġermanja huma penalizzati billi jkollhom iħallsu kontribuzzjonijiet tal-assigurazzjoni għall-kura ogħla mill-persuni bit-tfal. Huwa jbati minn difett ġenetiku, u b'konsegwenza ta' dan huwa sterili. Skont l-Artikolu 21 tal-Karta tad-Drittijiet Fundamentali, in-nies ma għandhomx jiġu diskriminati abbażi tal-karatteristiċi ġenetiċi tagħhom. Huwa jitlob li jiġu eliminati l-kontribuzzjonijiet tal-assigurazzjoni għall-kura ogħla għall-persuni mingħajr tfal li huma sterili minħabba difetti ġenetiċi u li b'hekk ma jistax ikollhom tfal.