Dwar l-akkomodazzjoni ta' rifuġjati fil-Greċja u fil-Balkani 

Il-petizzjonant jitlob li tingħata assistenza immedjata lir-rifuġjati fil-Greċja u fil-Balkani u/jew biex il-fruntieri jinfetħu mill-ġdid, minħabba l-kundizzjonijiet tat-temp ħżiena. Bosta aġenziji ta' għajnuna ġibdu l-attenzjoni għall-kundizzjonijiet ħżiena, li jeżistu b'mod speċjali f'dawn il-pajjiżi; xi persuni mietu minħabba l-kesħa. Dan huwa r-riżultat ta' politika dwar ir-rifuġjati fallimentari u li tikser id-drittijiet kollha tal-bniedem u l-Karta tan-NU. L-UE, bħal partijiet oħrajn, għalhekk tinsab fid-dover li tiżgura li dawn il-persuni jirċievu assistenza effettiva meta jaħarbu.