Dwar ir-rikonoxximent madwar l-UE ta' stikers ekoloġiċi 

Il-petizzjonant jitlob ir-rikonoxximent reċiproku ta' stikers ekoloġiċi. Huwa jsemmi d-Danimarka, l-Awstrija u Franza bħala eżempji ta' pajjiżi fejn, bħal fil-Ġermanja, iż-"żoni ta' projbizzjoni tat-traffiku" jistgħu jiġu stabbiliti f'agglomerazzjonijiet. Mhuwiex raġonevoli, huwa jgħid, li x-xufiera jkunu mistennija li jivverifikaw ir-regoli lokali speċifiċi dwar l-approvazzjoni tal-vettura meta jivvjaġġaw barra mill-pajjiż sabiex jevitaw milli jkunu responsabbli għall-multi. Ix-xufiera Ġermaniżi għandhom ikunu protetti minn sanzjonijiet u l-interoperabbiltà tal-vetturi fl-Ewropa trid tiġi ggarantita.