Dwar iċ-ċensura artistika fuq ir-radju pubbliku Pollakk 

Petition addressed to: Petitionsausschuss des Europäischen Parlaments

Il-petizzjonanta tilmenta li ċ-ċensura ġiet applikata għal xandira diretta fuq ir-radju pubbliku Pollakk. Hija ssostni li fuq talba tad-direttur, kanzunetta b'dikjarazzjoni politika tneħħiet mill-klassifiki minkejja l-fatt li rebħet l-aktar voti mill-udjenza. Hija tispjega li r-reġistrazzjoni tax-xandira tneħħiet mill-internet u r-riżultat tal-votazzjoni nbidel. Konsegwentement, ġurnalista, li ma riditx tirrikonoxxi din il-manipulazzjoni, ġiet imkeċċija u ġurnalisti magħrufa oħra telqu l-istazzjon bi protesta kontra ċ-ċensura u t-tkeċċija tal-ġurnalista. Il-petizzjonanta tixtieq li l-Kummissjoni tagħmel dikjarazzjoni dwar iċ-ċensura tax-xandir ibbażata fuq il-fatt li l-libertà tal-kelma, il-libertà tal-ħsieb u l-espressjoni huma drittijiet fundamentali tal-UE.