Dwar allegata diskriminazzjoni kontra l-euro minn wieħed mill-banek fil-Polonja 

Il-petizzjonant, il-president ta' kumpanija fi Gdańsk, irċieva tabella ġdida ta' miżati u kummissjonijiet minn bank ibbażat f'Varsavja. Skont it-tabella, l-użu ta' kont awżiljarju f'euro jiswa PLN 20 fix-xahar, filwaqt li l-miżata għal kont awżiljarju fi kwalunkwe munita oħra jiswa PLN 10 fix-xahar. Il-petizzjonant huwa tal-fehma li din il-politika tmur kontra d-dritt tal-Unjoni, peress li tiddiskrimina kontra dawk li jżommu l-kontijiet tagħhom fl-euro, il-munita li l-Istati Membri kollha wiegħdu li jadottaw bħala element ta' integrazzjoni Ewropea.