F'isem il-kumitat "No Bretella – Sì Mobilità Sostenibile" (Modena) u oħrajn, b'madwar 20 firma, kontra l-bini tal-bypass awtostradali Campogalliano-Sassuolo 

Petition addressed to: Petitionsausschuss des Europäischen Parlaments

F'dak li għandu x'jaqsam mal-bini tal-bypass awtostradali Campogalliano-Sassuolo, il-petizzjonanti jirrimarkaw li l-proġett, minbarra li jinjora s-sostenibbiltà ambjentali tar-rotta proposta, huwa bbażat fuq sensiela ta' valutazzjonijiet żbaljati. Fi ftit kliem, il-petizzjonanti jikkontestaw id-dritt tal-awtoritajiet reġjonali li jieħdu deċiżjonijiet mingħajr it-trasparenza dovuta fejn tidħol l-informazzjoni u bi ksur tal-leġiżlazzjoni tal-UE dwar l-ambjent u l-protezzjoni tas-saħħa. Il-petizzjonanti diġà ressqu għadd ta' proposti stradali u ferrovjarji alternattivi quddiem l-awtoritajiet statali, reġjonali u lokali bil-għan li jiġi razzjonalizzat it-traffiku tal-passiġġieri u tal-merkanzija, jitnaqqas it-tniġġis u titjieb is-sikurezza fit-toroq. Il-petizzjonanti qed jitolbu lill-istituzzjonijiet tal-UE jħeġġu lill-awtoritajiet responsabbli jwettqu rieżami u jaġġornaw ir-rapport tal-Valutazzjoni tal-Impatt Ambjentali – approvat fit-12 ta' Jannar 2004 – filwaqt li jissospendu l-proġett kif definit u, ikun xi jkun, jipposponu x-xogħlijiet (li kellhom jibdew fir-rebbiegħa tal-2020).