Dwar ir-rifjut li d-dokumenti tal-identità tal-UE jiġu aċċettati bħala prova tal-età fil-pubs u l-ħwienet tax-xorb fir-Renju Unit 

Il-petizzjonant isostni li meta ħareġ ma' grupp ta' ħbieb f'pub f'Leicester, ir-Renju Unit, ma ġewx servuti xorb alkoħoliku minħabba li d-dokumenti tal-identità nazzjonali Franċiżi tagħhom ma ġewx aċċettati bħala prova tal-età. Barra minn hekk, il-petizzjonant iqis li din l-azzjoni hija diskriminatorja abbażi tan-nazzjonalità. Il-petizzjonant jitlob lill-Parlament Ewropew jinvestiga r-rifjut li d-dokumenti tal-identità tal-UE jiġu aċċettati bħala prova tal-età fil-pubs u l-ħwienet tax-xorb Brittaniċi, u d-diskriminazzjoni possibbli fil-konfront ta' klijenti mhux Brittaniċi.