Dwar il-lingwa ta' korrispondenza li għandha tintuża fit-talbiet għall-protezzjoni tad-data mibgħuta lil riċevituri mhux tal-UE  

Il-petizzjonant huwa tal-fehma li r-Regolament Ġenerali dwar il-Protezzjoni tad-Data (GDPR) attwali mhuwiex ċar biżżejjed dwar il-kwistjoni li tirrigwarda liema lingwa jista' juża suġġett tad-data biex jindirizza talba għall-protezzjoni tad-data lil proċessur tad-data mhux tal-UE. Il-petizzjonant huwa mħasseb mill-prospett li l-kumpaniji li għandhom sede f'pajjiż mhux tal-UE jistgħu jirrifjutaw li jipproċessaw talbiet għall-protezzjoni tad-data li ma jitressqux bil-lingwa tal-post tal-inkorporazzjoni jew tal-kwartieri ġenerali tal-kumpanija.