20/08/2019, 4:38 μ.μ.
Preziadas e preziai che haveis suttascret la petiziun per la liberalisaziun dil celibat,
Cun grond plascher sai jeu communicar ch’igl ei reussiu dad intermediar la petiziun a papa Francestg persunalmein. El ha veramein retschiert ella en agens mauns e bein era legiu ella.
Damai che jeu hai era giu contact cun divers uestgs e cardinals dalla baselgia pervia da quei petiziun hai jeu saviu constatar che biars dad els ein pertscharts che quei problem sto vegnir prius serius e discutaus en lur cerchels ed era ensemen cul papa.
Jeu supplicheschel vus dad urar per il papa e per ils uestgs e cardinals ch’els hagien sco ils apostels han giu en lur emprem concil a Jerusalem (mira Acts dils apostels 15, 1-31) la curascha d’anflar sligiaziuns per caussas che pertuccan buca la substanza da nossa cardientscha sco quei ch’il celibat ei.
Jeu engraziel a vus tuts e tuttas da cor per vies sustegn e salidel culs megliers giavischs per vies futut e per quel da nossa Baselgia,
Florentina Camartin