Yumi Protektim Haos, Skul mo Fiuja Blong Yumi

Ol bigfala warehouse we oli stap wokem long Tassiriki biaen long PVIS hemi wan example we Municipal i fail bigwan blong protectem residential zoning. Tri bigfala warehouse oli stap bild long residential zone, long wan rabis rod, bitwin ol haos blong ol pipol mo stret biaen long PVIS. Tufala daycare i stap long sem rod. Ol student mo ol famle oli stap harem bigfala noes blong wok long ful yia, stat long eli moning kasem naet, 7 dei long wan wik. Sipos oli stap wokem haos, yumi save andastanem, be oli wokem warehouse, mo noes mo ol narafala problem bae i no stop. Mo Environmental Department i talem se ol warehouse ia oli no gat environment permit. ? ?
 
Sam problem we yumi gat:
• Trafik we i kam plante mo bigfala trak
• Rod i save spolem
• No gat enaf parking
• Prapti blong yumi i save lus long value
• Problem long drainage • Problem long black mo grey water
• Plante rabis • Ol rat mo ol narafala animal oli save kam plante
• Plante pipol i stap raun long skul mo ol daycare
• Plante noes
• Polusen long lagoon
• Mo wanem samting ia i save openem rod blong ol narafala komersial aktiviti long ol residential area. Naoia yumi harem se i gat narafala ol plan olsem:
• Wan bigfala supermarket blong compet wetem ABM Tassiriki
• Wan sto mo restoran blong Chinese
• Wan workshop/garage.
 
Ol samting olsem oli no blong ol residential area. Olgeta samting ia oli mas stop mo oli mas muv i go long stret ples.
 
Long ol ples olsem Elluk mo Bellevue, problem ia i stap tu. Yumi wantem Municipal blong mekem action blong stopem mo muv i go long stret zon.
 
Senaem petition ia blong soem sapot blong yu blong protectem residential zone blong yumi.