Ne, qytetarët e Republikës së Kosovës, ngremë këtë peticion publik për mbrojtjen e qytetarit Bajram Zeka, i cili ndodhet në paraburgim prej më shumë se dy muajsh, pa prova materiale që mbështesin fajësinë e tij.
Pavarësisht se ka pasur gjithmonë një adresë të qëndrueshme në Gjermani dhe nuk është shmangur kurrë nga drejtësia, ai është trajtuar si person në arrati.
Kjo ka shkaktuar dëm moral, familjar dhe ekonomik, duke cenuar dinjitetin njerëzor dhe parimet themelore të drejtësisë.

Ky rast përbën shkelje të nenit 29 (e drejta për liri dhe siguri personale), nenit 31 (gjykim i drejtë dhe i paanshëm), dhe nenit 53 (interpretimi sipas Konventës Evropiane për të Drejtat e Njeriut) të Kushtetutës së Republikës së Kosovës.

Ne besojmë se drejtësia nuk duhet të vonojë asnjë pafajësi, dhe se çdo dënim i padrejtë dëmton themelet e humanitetit dhe të besimit në shtet.