Dwar prattiki kummerċjali żleali u kummerċjalizzazzjoni qarrieqa minn Ryanair 

Il-petizzjonant jiddikjara li Ryanair qed jikser id-dritt tal-UE bl-użu ta' prattiki kummerċjali żleali u kummerċjalizzazzjoni qarrieqa ta' prodotti lill-konsumatur. B'mod partikolari, huwa jsemmi l-akkwist tal-possibbiltà ta' imbark prijoritarju. Huwa jallega li meta jiġi bbukkjat is-servizz, il-konsumatur ma jiġix informat li fil-prattika, dan il-vantaġġ japplika biss meta fl-ajruport partikolari, il-passiġġier ma jinstaqx b'kowċ lejn l-ajruplan. Il-petizzjonant irid lil Ryanair jieħu responsabbiltà għal dawn il-prattiki qarrieqa.