Dwar l-aħbarijiet foloz, b'mod partikolari b'rabta mat-tisħin globali 

Il-petizzjonant, flimkien ma' 33 tekniku, inġinier-tekniku u inġinier, isostni li l-okkorrenza ta' aħbarijiet foloz bdiet madwar 30 sena ilu u li f'dawk iż-żminijiet ix-xjenzjati ma ħadux ir-riskju fit-tul tal-aħbarijiet foloz bis-serjetà. In-nuqqas ta' reazzjoni min-naħa tagħhom irriżulta, skont il-petizzjonant, fis-suppożizzjoni żbaljata li t-tisħin globali huwa kkawżat mill-interazzjoni tal-bnedmin. Huwa jsostni li l-bidliet soċjetali relatati mal-promozzjoni tal-vetturi elettriċi, li skattaw id-dimostrazzjonijiet fi Franza, mhumiex ibbażati fuq evidenza xjentifika u qegħdin jikkawżaw diżastru ekoloġiku fil-pajjiżi li jipproduċu l-litju. Il-petizzjonant isostni d-dikjarazzjoni tiegħu b'test spjegattiv aktar tekniku.