Petition addressed to: Petitionsausschuss des Europäischen Parlaments

Il-petizzjonant isostni li d-dritt għal arja nadifa u sigura kif ukoll għal art mhux imniġġsa ta' aktar minn 50.000 persuna li jgħixu fiż-żona usa' ta' Nafplio qed jiġi miksur b'mod sistematiku minn żewġ fabbriki li jipproċessaw il-qalba taż-żebbuġ frisk u li joperaw f'żona allegatament protetta. Il-petizzjonant diġà ressaq ilment quddiem l-awtoritajiet lokali, il-Ministru tal-Ambjent u l-Ombudsman Grieg, iżda kien kollu għal xejn. Huwa jsostni li m'hemmx stazzjonijiet li jkejlu l-kwalità tal-arja fiż-żona, u li ma jsir l-ebda kontroll fuq bażi regolari tal-ħsara li tiġi kkawżata lill-ħamrija mill-ħżin tal-qalba taż-żebbuġ frisk u mill-immaniġġjar tal-iskart tiegħu.