Dwar it-tneħħija gradwali tal-batteriji mhux rikarikabbli u li jintużaw darba biss 

Petition addressed to: Petitionsausschuss des Europäischen Parlaments

Il-petizzjonant jistieden lill-Parlament Ewropew jgħaddi liġi biex jitneħħew gradwalment il-batteriji mhux rikarikabbli u li jintużaw darba biss. Huwa jenfasizza li għalkemm ġie adottat għadd ta' direttivi dwar il-mod li bih il-batteriji għandhom jintużaw fl-UE, dawk id-direttivi ma rnexxielhomx jipprevjenu li l-batteriji jiġu rriċiklati jew inċinerati b'mod mhux xieraq. Il-petizzjonant jissuġġerixxi li għandu jiġi promoss il-bejgħ ta' batteriji rikarikabbli, u li l-batteriji li jintużaw darba biss għandhom jitneħħew gradwalment, li jfisser li l-batteriji rikarikabbli jorħsu, u dan ikollu effett pożittiv fuq l-ambjent.