Dwar in-nuqqas ta' netwerk tad-drenaġġ f'muniċipalità fir-reġjun ta' Taranto 

Il-petizzjonant jilmenta dwar in-nuqqas totali ta' netwerk tad-drenaġġ f'Pulsano (Taranto), li għandu popolazzjoni ta' 11 430 ruħ, minkejja l-fatt li hemm impjant ġdid tat-trattament tal-effluwent b'biżżejjed kapaċità għal 120 000 abitant. Skont il-petizzjonant, dan huwa ksur manifest tal-Artikolu 3 tad-Direttiva 91/271/KEE dwar it-trattament tal-ilma urban mormi, li jirrikjedi li sal-31 ta' Diċembru 2005 id-djar kollha f'muniċipalitajiet b'popolazzjoni ekwivalenti (p.e.) ta' bejn il-2 000 u l-15 000 ruħ ikunu mqabbda man-netwerk tad-drenaġġ.