Dwar il-ġbir tal-informazzjoni mill-midja soċjali għal applikazzjoni tal-ETIAS 

Il-petizzjonant jiddikjara li l-Istati Uniti tal-Amerika qed jippreparaw leġiżlazzjoni bil-ħsieb li jobbligaw liċ-ċittadini tal-UE jissottomettu l-informazzjoni kollha dwar il-kontijiet tal-midja soċjali tagħhom meta jitolbu viża biex jidħlu fl-Istati Uniti. Il-petizzjonant jikkummenta li l-Unjoni Ewropea tista' mbagħad tadatta l-leġiżlazzjoni tagħha stess ukoll, u tiġbor l-informazzjoni tal-midja soċjali taċ-ċittadini tal-Istati Uniti u b'dan il-mod tipprovdi kundizzjonijiet ta' reċiproċità fi kwistjonijiet dwar il-viżi.