Dwar bidliet rigward ir-rekwiżiti ta' tikkettar obbligatorju 

Il-petizzjonanta titlob l-introduzzjoni ta' kriterji ġodda ta' sikurezza alimentari li jirrikjedu tikkettar uniformi obbligatorju li jkun jinftiehem minn ċittadin mhux intiż fil-qasam u li jkun jinkludi l-proċess kollu tal-produzzjoni, l-imballaġġ, il-ħażna u l-preparazzjoni għall-ikel, għall-prodotti kożmetiċi u għall-prodotti farmaċewtiċi, u li jimponu l-obbligu li r-riskji jinżammu f'livell minimu. Il-petizzjonanta tagħti għadd ta' raġunijiet għal dan u tindika l-perikli possibbli għas-saħħa, pereżempju, tal-addittivi kimiċi fl-imballaġġ tal-ikel. Hija tindika wkoll ir-riskji possibbli għas-saħħa relatati mal-produzzjoni ta' sustanzi kimiċi ġodda, li jistgħu jiġu vvalutati biss ladarba tkun saret il-ħsara.