Annuléiert d'Ofrapgenehmegung fir d'Ettelbrëcker Gare!

Här Buergermeeschter Schaaf,

Mat groussem Interessi hun ech Är Questioun parlementaire zum Erhalt vum Bâtiment-voyageurs vun der Ettelbrécker Gare gelies a si natierlech enttäuscht iwwert d’Äntwert vun den zoustännege Ministeren.

An de nächste Woche soll mat den Ofrappaarbechte vun der Ettelbrécker Gare ugefaange ginn, woumat ouni Zweiwel e wichtegen Zeie vun der Entwécklung vun der Stad Ettelbréck an, doriwwer raus, vun der sozialer an ekonomescher Entwécklung vun eisem Land zu enger Industrienatioun fir ëmmer zerstéiert gëtt. Sie ass och en eemolegt Ierwen aus där Zäit, wéi de lëtzebuergeschen Eisebunnsreseau vun der "Generaldirektion der Eisenbahnen Elsass-Lothringen" bedriwwe gouf, wat sech an hirer Architektur widerspigelt.

Wéi Dir sécher wësst, huet d’Denkmalschutzkommissioun COSIMO sech 2009 unanime fir hire Klassement als Monument national ausgesprach.

Fir datt dëst eemolegt Gebai net am Recycling landt, fuerderen ech Iech op, d’Baugeneemegung, déi Dir den 23. Abrëll 2021 ausgestallt hutt, ze annuléieren. D’rechtlech Méiglechkeeten dozou hu Dir!

Domadder gët den Ausbau vum Schinnennetz a seng besser Ubannung un de Busreseau nët verhënnert, mä ët mëcht ët méiglech, doriwwer nozedenken, wéi d’Ettelbrécker Gare erhaale gi kann.

Mat beschte Gréiss,