Peticioni për emërimin e Rexhep Rifatit Ambasador Nderi i Diasporës Shqiptare

Petition addressed to: Qeveria e Shqipërisë dhe Qeveria e Kosovës

Nga miqtë e kulturës shqiptare në diasporë

Pse kjo iniciativë?

Sepse Rexhep Rifati është më shumë se një emër. Ai është frymëzues, lidhës brezash, mbrojtës i vlerave, dhe mbi të gjitha, një urë e gjallë mes diasporës shqiptare, atdheut dhe komuniteteve arbëreshe.

Nëpërmjet përkushtimit të tij të pashoq, për dekada me radhë, Baca Rexhep ka dokumentuar, promovuar dhe bashkuar shqiptarë nga të gjitha anët e botës, duke u bërë zëri dhe kujtesa e gjallë e identitetit tonë kombëtar.

Puna e tij përmbush me devotshmëri boshllëkun që shpesh lënë institucionet tona kombëtare si në Shqipëri ashtu edhe në Kosovë në përfaqësimin dhe kultivimin e vlerave mbarëkombëtare në diasporë dhe atdhe.

Kërkesa jonë si diasporë:

Ne, firmëtarët e këtij peticioni nga Zvicra, Gjermania, Italia, Franca, Anglia, SHBA dhe çdo cep i diasporës shqiptare, kërkojmë që:

Rexhep Rifati të nderohet me titullin “Ambasador Nderi i Diasporës Shqiptare” nga institucionet përkatëse të Shqipërisë dhe Kosovës.

Sepse ai është :

🕊️ Frymëzues i qindra iniciativave kulturore në diasporë dhe atdheu.

📚 Ruajtës i kujtesës kombëtare përmes shkrimeve, fotografisë dhe veprimtarisë

🤝 Ura mes shqiptarëve kudo në botë, atdheut dhe arbëreshëve të Italisë. 

🎓 Kontribut i drejtpërdrejtë për të rinjtë dhe arsimin:

Përtej fjalës, fotografisë dhe aktivizmit kulturor, Rexhep Rifati ka dëshmuar angazhimin e tij edhe përmes ndihmës konkrete për rininë shqiptare, duke qenë iniciator, donator dhe promotor i Fondit të Bursave pranë Rotary Club Ferizaj që nga viti 2015.

Falë përkushtimit të tij dhe mbështetjes nga miqtë e tij në diasporë, deri më sot janë ndarë mbi 280 bursa për studentë nga Ferizaj dhe Shtimja, në vlerë totale mbi 150,000 euro – një mbështetje e çmuar për të rinjtë me rezultate të larta dhe me vështirësi ekonomike.

Vetë Baca Rexhep ka financuar vazhdimisht disa prej këtyre bursave me mjete personale, duke treguar shembullin e përgjegjësisë qytetare dhe dashurisë për dijen.

🗣️ Ambasador vullnetar pa titull, por me përkushtim të përjetshëm

Ai është prej dekadash urë lidhëse për të gjithë shqiptarët dhe vendbanimet e tyre në diasporë dhe atdhe duke propozuar me përkushtim modelin arbëresh të ruajtjes së identitetit ndër shekuj si një pasuri që meriton të përcillet dhe të respektohet.