PETICIONI I DIASPORËS PËR HETIM MBI VJEDHJEN E VOTËS

Drejtuar:

• Kuvendit të Shqipërisë
• Prokurorisë së Përgjithshme
• Komisionit Qendror të Zgjedhjeve (KQZ)
• SPAK & BKH
• Delegacionit të Bashkimit Evropian në Shqipëri
• OSBE/ODIHR
• Departamentit Amerikan të Shtetit
• Këshillit të Evropës

Ne, qytetarët shqiptarë të Diasporës, të shpërndarë në të gjithë botën, të shqetësuar thellësisht për situatën e demokracisë dhe ligjshmërisë në Shqipëri,

KËRKOJMË ME NGULM:

1. Hetim të thelluar, të paanshëm dhe të pavarur mbi vjedhjen dhe manipulimin e votës në proceset zgjedhore të viteve të fundit në Shqipëri;
2. Zbardhjen e strukturave kriminale dhe politike që kanë bashkëpunuar në blerjen e votës dhe deformimin e vullnetit të qytetarëve shqiptarë;
3. Zhvillimin e një hetimi të hapur dhe publik mbi mënyrën si janë keqpërdorur të dhënat personale të qytetarëve për qëllime elektorale;
4. Mbështetjen dhe garancinë ndërkombëtare për reformimin e procesit zgjedhor dhe për të garantuar të drejtën e votës për Diasporën me sistem të sigurt dhe të monitoruar;
5. Vendosjen përpara drejtësisë të çdo individi, zyrtari apo grupi të përfshirë në shkelje të ligjit dhe të drejtës kushtetuese për votë të lirë.

Firmosja e këtij Peticioni bëhet vetëm me të dhëna të plota dhe të verifikueshme.

Nuk lejohet firmosje anonime, për të shmangur keqpërdorimet dhe për të garantuar seriozitetin e iniciativës qytetare.

Të dhënat e nevojshme për firmosje:

• Emri dhe Mbiemri:
• Adresa e plotë e banimit (rruga, qyteti, shteti):
• Kodi postar:
• Email-i personal:
• Numri i identitetit (opsional – vetëm nëse kërkohet për verifikim zyrtar):
• Nënshkrimi:

Data e firmosjes: ____________

Ky peticion do t’i dorëzohet zyrtarisht institucioneve kombëtare dhe ndërkombëtare dhe do të publikohet për transparencë të plotë.
Zëri ynë ka vlerë. Mos hesht!