24/10/2019 13:14

Mostrar documento.

Preziadas e preziai che haveis suttascret e susteniu la petiziun per la liberalisaziun dil celibat pils plevons en nossas pleivs
Returnada suenter entginas jamnas puspei a casa hai jeu anflau en mia posta in brev si dil Vatican. En quella confirma prelat Paolo Borgia, che papa Francestg hagi priu enconuschientscha da nossa petiziun ed era da quei che jeu hai aunc scret ad el en ina brev persunala (mira document aschuntau). Quella confirma fa plascher a mi ed jeu festginel da communicar quei a vus. Ussa sefidel jeu ch’il s. Spért empeili vinavon la caussa.
A vus tuts e tuttas engraziel jeu per vossa suttascripziun e per tut il sustegn prestau ed era per l’oraziun en quell’intenziun e salidel cordialmein,
Florentina Camartin