Dwar l-impossibbiltà li ċittadini barranin iħallsu l-pedaġġi tal-awtostradi Portugiżi online 

Il-petizzjonant jilmenta dwar l-impossibbiltà li ċittadini barranin iħallsu l-pedaġġi tal-awtostradi Portugiżi online. Huwa jsostni li s-sistema ta' pedaġġ mingħajr kabini fuq l-awtostradi Portugiżi tirrikjedi l-ħlas minn qabel permezz tal-installazzjoni ta' apparat elettroniku, jew permezz tar-reġistrazzjoni b'vidjokamera tal-pjanċa tan-numru tal-vettura. Fil-każ tal-aħħar, is-sewwieqa jistgħu jħallsu jew personalment, f'uffiċċju tal-posta, jew online, fuq is-sit web tal-uffiċċju tal-posta Portugiża. Madankollu, il-petizzjonant jiddikjara li din is-sistema tiddiskrimina kontra ċ-ċittadini barranin, peress li s-sit web tal-uffiċċju tal-posta Portugiża jippermetti li jsir ħlas online miċ-ċittadini Portugiżi residenti li għandhom numru ta' identifikazzjoni tat-taxxa Portugiż biss.