Dwar miżuri immedjati li għandhom jittieħdu biex jipproteġu l-kundizzjonijiet tal-għajxien u d-drittijiet ta' sigurtà soċjali tal-ħaddiema tal-għelieqi f'Foggia (l-Italja) 

Petition addressed to: Petitionsausschuss des Europäischen Parlaments

Il-petizzjonant jikkundanna s-sitwazzjoni serja li qiegħda taffettwa ħafna migranti li jaħdmu fiż-żona ta' Foggia, Puglia, fl-Italja. Huwa jikkritika l-istat ta' negliġenza ta' dawn il-ħaddiema migranti staġjonali, li jiġu sfruttati mis-sidien tal-art u mill-awtoritajiet, u jiġu mġiegħla jaħdmu f'kundizzjonijiet inumani, mingħajr kuntratti tax-xogħol, assigurazzjoni jew sigurtà soċjali, u f'kundizzjonijiet sanitarji u tas-saħħa gravi. Huwa jsostni li l-gvern Taljan u l-UE huma responsabbli għal din is-sitwazzjoni daqs is-sidien tal-art, u jitlob li jittieħdu miżuri immedjati sabiex jitjiebu l-kundizzjonjiet ta' dawn il-ħaddiema migranti, b'mod partikolari fir-rigward ta' akkomodazzjoni, aċċess għall-ilma, saħħa, kuntratti tax-xogħol u sigurtà soċjali.