Dwar l-allegata traspożizzjoni inkorretta tad-Direttiva tal-Kunsill 2003/109/KE fir-rigward tal-Att dwar il-Persuni Barranin fil-Polonja 

Petition richtet sich an: Petitionsausschuss des Europäischen Parlaments

Il-petizzjonant jirrimarka li d-dispożizzjonijiet tal-Att Pollakk dwar il-Persuni Barranin tat-12 ta' Diċembru 2013 huma allegatament inkompatibbli mad-Direttiva tal-Kunsill 2003/109/KE, u b'mod partikolari mal-premessi 5, 6, 10 u 11 dwar l-istatus ta' ċittadini ta' pajjiżi terzi li huma residenti fit-tul, u mal-Artikolu 5(2). Skont il-petizzjonant, huwa diffiċli wisq jew saħansitra impossibbli, minħabba raġunijiet organizzattivi, li wieħed jissodisfa r-rekwiżiti għal ċertifikazzjoni uffiċjali ta' għarfien tal-lingwa Pollakka sabiex jikseb permess ta' residenza fit-tul fl-UE: id-dati tal-eżamijiet huma rari wisq u jitwettqu biss f'għadd żgħir ta' ċentri fil-Polonja b'għadd limitat ta' postijiet. Barra minn hekk, fl-opinjoni tiegħu, il-kwistjoni ta' għarfien iċċertifikat obbligatorju u uffiċjali tal-lingwa Pollakka tidher li tmur kontra d-dispożizzjoni tal-Artikolu 5(2) tad-Direttiva dwar l-issodisfar tal-kundizzjonijiet relatati mal-integrazzjoni.