2021-02-05 10:27
Numme zämme, hämmrs gschafft! Es isch ebbe e Härzensahglägeheit!
Wärti Petitionsdailnähmerinne und Dailnähmer! Liebs Färnseh und Radio!
Ych möcht mi ganz härzligg bi euch allne für euri Unterschrift und für eure imänse Support für mini Petition bedanke!
Alli wo unterzeichnet hän, hän dütligg bewiese, dass sie s’Härz am rächte Fläck trage und e grosses Härz für d’Kultur und für unseri Basler Fasnacht hän!
Eimol meh, het s’Volk ganz klaar gsproche und sich könne duresetze! Das wär ohni EUCH ALLI, nid mögligg gsi!
Es het mi unheimligg bewegt, wieviel Unterschrifte und positivi Feedbacks ihnekoh sin! Vo erhoffte baar hundert Unterschrifte, sin vom Zyschtig z’nacht am halber 12i bis jetzt, über 5500 Unterschrifte und meh als 2500 Kommentär us aller Wält (de Schwiz, Dütschland, Frankrich, Öschtrich, Luxeburg, Schwede, Tschechie, Niederlande, Lichteschtei, Italie, Norwäge, Dänemark und sogar us Ziri) zämme koh!!!!
Au ihne, Herr Ängelbärger, möchtis nid misse, mi z’bedanke!
E grosses Danggschön, dass si sich doch no hän könne e Rugg geh und s’Fasnachtshärz in uns, wenigschtens e glai weneli hän könne zum Strahle bringe.
Ych ha minere 7-jährige Dochter nämligg lengsht versproche, dass wenn‘s scho wider kai Fasnacht git, dass mr wenigshtens d’Bängg am Färnseh zämme könne luege!
Di drey scheenshte Dääg, so, jetzt simmr barat und freue uns uf de glai huch vo Fasnacht 2021!
Hochachtigsvoll,
Eure Bebbi, Alexander