5 nënshkrimet
500 për objektivin e mbledhjes
Peticioni drejtuar: Ministrisë së Shëndetësisë dhe Mbrojtjes Sociale dhe Fondit të Sigurimit të Kujdesit Shëndetësor (FSDKSH).
Jeta e pacientëve me kancer nuk duhet të varet nga pamundësia ekonomike. Ilaçi i avancuar Enhertu (trastuzumab deruxtecan) ka treguar rezultate të shkëlqyera në zgjatjen dhe përmirësimin e jetës së grave dhe pacientëve me kancer gjiri metastatik (HER2-pozitiv dhe HER2-low).
Ky ilaç është i miratuar nga Agjencia Evropiane e Barnave (EMA), por në Shqipëri kushton mijëra euro për çdo cikël trajtimi, një kosto e papërballueshme për familjet shqiptare.
Përmes këtij peticioni, ne i kërkojmë Ministrisë së Shëndetësisë dhe FSDKSH-së që ta përfshijnë urgjentisht Enhertu në listën e barnave të rimbursuara.
Çdo ditë vonesë është kohë e humbur për pacientët. Nënshkruani peticionin për të shpëtuar jetë!
arsye
Nëna ime, ashtu si shumë nëna dhe gra të tjera në Shqipëri, po lufton me një formë agresive metastatike të kancerit të gjirit. Mjekësia moderne e ka gjetur kurën – ajo quhet Enhertu dhe është e miratuar në mbarë Evropën sepse bën mrekulli në zgjatjen e jetës së pacientëve.
Kjo nuk është thjesht e padrejtë, është çnjerëzore. Askush nuk duhet të luftojë për frymën e fundit duke u endur rrugëve të botës, larg shtëpisë dhe njerëzve të dashur, vetëm sepse ka lindur në Shqipëri.
Sot po ngre zërin për nënën time, por edhe për nënën, motrën, bashkëshorten apo vajzën e secilit prej jush që po kalon të njëjtin kalvar dhimbjeje në heshtje. Çdo sekondë e humbur është një mundësi më pak për të fituar këtë betejë.
Nënshkruani dhe shpërndajeni këtë peticion sa më shumë. Jini ju zëri i nënës sime dhe i çdo gruaje që sot po lufton me dinjitet për jetën në Shqipëri!
Faleminderit shumë për mbështetjen tuaj, Aleksandra Peto, Tirane
Pyetje për iniciatorin
Ndani peticionin
Detajet e peticionit
Peticioni filloi:
17/09/2026
Mbledhja mbaron:
16.03.2027
Rajon :
Shqipëri
tema:
Shëndet
Tani përktheni këtë kërkesë
Versioni i ri i gjuhësMjetet për përhapjen e peticionit.
A keni faqen tuaj të internetit, një blog apo një portal të tërë në internet? Bëhuni një avokat dhe shumëfish për këtë kërkesë. Ne kemi banderolat, widget dhe API (ndërfaqen) për tu futur në faqet tuaja. Tek mjetet
Pershendetje
Nena ime po vuan nga nje semundje shume e rende dhe e vetmja kure qe na ka thene doktoret eshte ky ilaci.